Novitads
<< enavos
Sa qualifitgar per il Chor Svizzer da Giuvenils 2018
Il Chor Svizzer da Giuvenils ha terminà sia stagiun fulminantamain ils 9 da settember a Vitznau al Festival MuTh Charity ed ils 10 da settember ad Yverdon a la Schubertiade. Uss vali da planisar il proxim onn da chant.
Per la stagiun 2018 tschertga il Chor Svizzer da Giuvenils en tut ils chantuns e las regiuns linguisticas chantaduras e chantadurs tranter 16 e 25 onns ch’èn motivads e talentads e che han ina buna furmaziun da chant. Dirigentas e dirigents cumprovads exerciteschan cun il chor ovras a-capella da tut las epocas e da differents pajais. Las ovras vegnan preschentadas ad in vast public. La direcziun musicala è l’onn 2018 en ils mauns da Nicolas Fink e Gonzague Monney.
Per sa qualifitgar per il chor pon giuvenils interessads chantar avant la dumengia, ils 5 da november 2017 a Sursee (LU). L’annunzia è giavischada enfin ils 15 d’october 2017 via il formular online “Mitsingen” sin la pagina d’internet:
http://www.schweizerjugendchor.ch/aktiv-werden/mitsingen
Ulteriuras infurmaziuns dal Chor Svizzer da Giuvenils:
Per star la current davart las activitads dal Chor Svizzer da Giuvenils recumandain nus il newsletter che cumpara pliras giadas l’onn. Quel po vegnir abunà online: http://www.schweizerjugendchor.ch (giudim dal tut)
Enconuschais Vus gia il Blog „Bobs Coda“? Bloghista Bob e bloghists ospitants dattan qua e là invistas preziusas davos las culissas dal manaschi dal Chor Svizzer da Giuvenils:
http://www.schweizerjugendchor.ch/blog
Tgi che vul sustegnair finanzialmain il Chor Svizzer da Giuvenils e giudair intgins privilegis, po daventar “ami dal CSG”:
http://www.schweizerjugendchor.ch/aktiv-werden/unterstuetzen
A partir d’immediat èsi pussaivel da prenotar in’empustaziun per las registraziuns dal 2017 sin DC:
http://www.schweizerjugendchor.ch/multimedia/audio
