Novitads
<< enavos
Sa vesair puspè, svegliar las vuschs e novas sfidas musicalas
Da Thierry Dagon
Suenter la pausa da stad ch’era emplenida cun sulegl, viadis e far bella vita, èsi puspè temp da returnar tar in’autra funtauna dal plaschair: la musica da chor. Cun l’entschatta da l’atun cumenzan er puspè las provas – in temp sin quel che blers han spetgà. Il return en in mund da musica è plain plaschair da vesair puspè autra glieud, la sfida da reviver puspè la vusch suenter ina gronda pausa e l’agitaziun ch’ins lavura puspè vid in nov repertori.
S’unir puspè musicalmain
Ins entaupa puspè amias ed amis ed ins reviva la gruppa cun quala ins ha passentà uschè bleras experientschas. Il chor è ina cuminanza nua che mintga vusch dumbra. La rinforzar questa uniun è in pass spezial per cumenzar puspè sin ina buna basa da far musica.
Svegliar la vusch: ina sfida ed in plaschair
Suenter las vacanzas prova la vusch puspè temp per vegnir agila. Ils manaders dal chor cumenzan cun exercizis levs, uschè che mintgin po puspè chattar sia vusch senza strapatschar ella.
Ma sur la part tecnica or, fai er grond plaschair da puspè chantar. Suenter ina pausa lunga èsi in daletg da puspè udir las armonias, dad udir las differentas vuschs d’ina gruppa, in’experientscha bunamain levgionda. Chantar è ina stgargiada, in med per sa colliar cun sasez e cun auters. Las novas provas che cumenzan uss èn in bun mument per sa dar vi a quest sentiment.
Nov repertori: L’agitaziun avant ina nova sfida
Mintga stagiun nova cumenza cun nov repertori ch’è vegnì elegì cun brama per avair ina nova sfida e svegliar emoziuns. Questa fasa da scuvrir è in dals pli bels muments da l’onn da chor. Mintga partitura è ina nov’aventura, mintga ovra in nov territori per scuvrir. Independent sch’i sa tracta da classichers, tocs contemporans ubain ina cumposiziun originala: Mintga chanzun porscha la schanza da schlargiar l’agen background musica, da scuvrir insatge nov e da perfecziunar l’atgna tecnica.
La lavur vid in nov repertori è er la schanza, da renovar l’atgna motivaziun e da sa metter novas finamiras. L’entusiassem collectiv, che regia durant emprimas provas, badan ins lura cura ch’in e scadin rimna l’energia per domesticar las novas melodias e da purtar quai ensemen en il chor.
Per finir
Cura che las provas cumenzan puspè suenter la pausa da stad, èsi in mument plain emoziuns. Tranter il plaschair da sa vesair puspè, il daletg da chattar l’atgna vusch ed il nov repertori chatta in e scadin puspè fina funtauna da motivaziun. Igl è ina nova stagiun che porta novas empermischuns musicalas ed umanas.
Il team dal newsletter da l’USC as giavischa ina bun’entschatta!
