Dirigent tschertga chor
<< enavos
TuttiCanti 2024
Ateliers
Sper las represchentaziuns avant giuria ed ils concerts sin divers palcs open-air, eran ils ateliers probablamain la part la pli impressiunanta da la festa. Ins aveva purschì 16 workshops ch’han dà a chantadur*as la schanza a sa deditgar ad in repertori ch’era forsa perfin dal tuttafatg ester.
Per ils workshops spontans n’han ins betg duvrà ina annunzia ubain ina prova precedenta. Chantadur*as interessadas pudevan ir tar Manuela Dorthe, ch’ha beneventà geniturs, uffants e tat e tatta per chantar ensemen. Il scienzià da musica Jean-Yves Haymoz ha fatg ina introducziun davart il cuntrapunct improvisà en duos, trios ubain canons – insatge fitg derasà durant la renaissance. Hajatiana Rakotozafy e Joseph Senghor han prendì la glieud sin in viadi tras la musica dal Madagascar e dal Senegal, fertant che Maria-Antonietta Mollica è sa deditgada al cumponer per differentas vuschs. Ewin Buba Bertschy ha mussà ils basics dal jodlar e Pascal Mayer ha laschà decodar ils participants ils tocs or dal “Song Book” da la festa. Mintga concert ha cumenzà cun ina interpretaziun da questas chanzuns atras tut la glieud al lieu – in’iniziativa originala e bainvisa. Sper ils workshops spontans hai er dà workshops a mez-spontans ed a lunga vista, nua che chantadur*as èn gia sa scuntradas avant la festa per sa preparar.
Mintga program (auter che las messas) èn vegnidas preschentadas duas giadas. Natiralmain sa pudevan ils chors er preschentar avant giuria, nua ch’igl ha dà in feedback – dentant er chantar sut tschiel avert en differents lieus en vischnanca. Il public pudeva era prender part al final da la concurrenza da chant chantunala il prim da matg. Questa tradiziun, nua ch’uffants van il prim da matg tar mintga porta-chasa per chantar, vegn sustegnida da l’uniun Friburgaisa cun dar a mintga chantadur*a la schanza da chantar en tut il chantun avant ina giuria. A Tutticanti 2024 hai lura dà ina concurrenza amicabla tranter candidatas e candidats ord las differentas regiuns. Las victuras ed ils victurs han survegnì in bun per quatter uras da chantar, chor e furmaziun da vusch tar chantadur*as professiunalas.
Messas
Cun quai che l’emprim di dal Tutticanti era il medem di sco Sontgilcrest, era bunamain logic da cumenzar cun ina messa. Ils chors ch’avevan s’annunziads per il workshop correspundent, han preschentà sut la direcziun da Jürg Schwedimann l’enconuschenta «Messe brève n°7 dite "aux chapelles"» da Charles Gounod. Cun quai ch’il davos di dal Tutticanti era ina dumengia, ha il medem dirigent manà in workshop ch’è sa deditgà a la «Messe brève» da Léo Delibes. Ils chorists, ch’èn vegnids accumpagnads da la Pfarreimusik Wünnewil-Flamatt, han er preschentà in nov toc, cumponì aposta per quell’occasiun: «Alles ist beginn» da Manfred Jungo, sco er in toc da Abbé Kaelin cun il titel "Jamais, plus jamais la guerre". Quel titel aveva l’uvestg da Losanna, Genevra e Friburg, Charles Morérod repetì pliras giadas en sias uraziuns.
