Novitads
<< enavos
Novitads dal Festival europeic per chors da giuvenils Basilea dals 12 fin 15 da matg 2021
Finalmain sa mussa in pau glisch a la fin dal tunnel. Dapi il prim da mars pon tuts sut 20 onns puspè chantar. Cun quai sa cumplettescha er adina dapli il program per il festival da chors da giuvenils. Tenor stan actual concerteschan a Basilea e conturns tranter ils 12 e 15 da matg mintgamai in chor d’uffants u giuvenils da la Pologna, Spagna, Serbia, Russia e da la Tirchia, sco er la cantoria da buobs e buobas Basilea, chors da giuvenils da la academia da musica Basilea, las vuschs virilas da Boys Choirs Lucerne, il chor da giuvenils jutz.ch ed il chor da giuvenils svizzer. Plinavant èn las schanzas intactas per realisar il project «Nordic Light». Quai è ina sinfonia multimediala per chor maschedà, orchester e registraziuns d’audio e video dal cumponist letton Ēriks Ešenvalds. La primaudiziun è planisada ils 13 fin 14 da matg. 22 ulteriurs chors e 200 «Singplauschkinder» èn schon s’annunziads per matinadas regiunalas e workshops. Er il 10avel inscunter svizzer da dirigent*as da chors vala sco segir.
Tar quest dumber da participant*as s’enclegia da sez, che tuttas e tuts ston esser testads negativ sin il coronavirus e che las gruppa sa duain maschadar uschè pauc sco pussibel. Il EJCF na vul betg mo dar puspè la pussaivladad da chantar ensemen e da giudair concerts da chors. Il festival duai er mussar, ch’ins po er durant corona chantar segiramain. Il festival dat tut, per s’accorscher da sia funcziun da model. El quinta dentant er sin la gronda solidaritad e sustegn da las persunas che sa participeschan e dal public.
Pagina d’internet dal EJCF.
https://www.ejcf.ch/
https://www.ejcf.ch/
Rapport mad
