Novitads

<< enavos

Lavur en l’uniun gartegiada: #3 Social Media

Lavur en l’uniun gartegiada: #3 Social Media

Bunamain mintgina e mintgin è en las medias socialas: saja quai in Doodle per planisar, parter insatge sin Facebook ubain partir das datas en la Dropbox. Ma tge tutga latiers? Tge avantatgs e dischavantatgs ha quellas medias? Tge finamiras han ins en las medias socialas? Quest artitgel dat in sguard sin quellas dumondas.

Il mund divers da las medias socialas

I dat ina pluna tools, ed igl n’è betg simpel da tegnair la survista. Il post spezialisà “Vitamin B” ha mess ensemble in fegl da survista cun ina emprima orientaziun. Vitiers datti tips, tge che tutga tut tar las medias socialas e per tge raschun ch’ins po duvrar tge tool. I dat da principi trais secturs en las medias socialas: l’organisaziun da l’uniun, la communicaziun entaifer l’uniun e la lavur publica. Nus ans focusain qua surtut sin las spartas communicaziun e lavur publica.

Pagina d’internet sco basa digitala d’ina uniun

Per las Uniuns chantunalas da chant èsi dapi plirs onns normal, d’avair ina pagina d’internet. Valérie Jaquier, responsabla per la pagina d’internet da l’Uniun da chantadur*as dal chantun Vad intunescha: «L’SCCV e l’AVDC han gì il giavisch e la necessitad, sper la gasetta «A l’Unisson», dad adina esser cuntanschibel. Quai è impurtant, per restar uschè actual sco pussibel, cun infurmaziuns frestgas (reglas da corona, etc), datas da concerts u la tschertga da dirigents». La pagina d’internet da l’SCCV www.choeur.ch vegn duvrada savens, mo ils davos set dis 550 giadas, tenor statistica. L’uniun dovra dapi dus onns er las medias socialas, er per furmar en il spazi digital ina gruppa da persunas interessadas.

Avantatgs e dischavantatgs da medias socialas

Cun las medias socialas èsi pussibel, da derasar novitads spert ed a moda simpla. Las novitads pon ins commentar e derasar vinavant ed ins po daventar in «follower», per survegnir immediat las novas infurmaziuns. Ina finamira centrala da las medias socialas èsi, da furmar ina gruppa d’interess – e quai porscha gest per ina uniuns da chant interessantas opziuns. Uschia han ils chors grischuns fundà ina gruppa da WhatsApp, rapporta Lucretia Bärtsch, presidenta da l’Uniun chantunala da chant dal Grischun. Sch’in chor annunzia al secretariat da l’uniun in concert, vegn quel inditgà en il chalender da concert da l’Uniun – e plinavant er partì en la gruppa da WhatsApp. En il chat pon ils chors er sez far attent sin lur concerts. Quai ha il grond avantatg, ch’ins po trametter infurmaziuns a persunas interessadas – e quellas persunas survegnan las infurmaziuns directamain sin il smartphone. Ils chors grischuns èn puncto medias digitalas e socialas ferm avanzads. Dapi 2017 ha els in agen account da Facebook e dapi curt han els, ensemen cun l’appel per la concurrenza #klappeauf, creà in account sin Instagram. La fin 2020 han els creà per il project “Chalender d’advent” in chanal da YouTube. Quel chanal veglian ins er duvrar per la concurrenza da video #klappeauf.

Social media porscha er la schanza, da render pli enconuschent in’uniun. Uschia raquinta Tanja Däscher, che la televisiun rumantscha haja fatg in’intervista cun ina dirigenta, ch’ha menziunà l’uniun da chors grischuns. Cun in link han ins directamain renvià a la pagina d’internet. Quai è ina buna varianta, per dar dapli attenziun a l’uniun e ses chors.

Natiralmain datti er intginas sfidas en connex cun las medias socialas. Igl è impurtant dad actualisar regularmain ils cuntegns e da publitgar da temp en temp nov cuntegn, per ch’ils followers restan londervi. Ils cuntegns na duain er betg esser memia lungs. Igl è d’avantatg, sch’ins sa decida per ina persuna responsabla per il cuntegn. Tar il SCCV è insatgi responsabel per la pagina d’internet, in’autra persuna è responsabla per las medias socialas. Ord vista da Valérie Jaquier fissi pussibel da far ina purschida digitala cun anc pli cleras finamiras, sch’ins colliass la pagina d’internet e socials media pli ferm ensemen.

Plinavant datti blera lavur da fabritgar sin ina community. Tanja Däscher vul tgirar anc pli ferm il contact cun ils chors. Quai dat dentant blera lavur ed i dovra chors cun ina affinitad per las medias socialas per crear ina cuminanza digitala.

Agir cun cleras finamiras è impurtant

Per nizzegiar las media socialas cun success, èsi il meglier, sch’ins definescha sco uniun, tge ch’ins vul cuntanscher cun en las medias digitalas. Quai scriva il post spezialisà «Vitamin B». Quai suttastritga er Tanja Däscher: «Ins dovra ina strategia ed ins sto sa dumandar «tge vulain nus e co survegnin nus bun material?».» L’Uniun da chant dal chantun Grischun sa lascha cussegliar d’in biro da marketing per ses agir sin las medias socialas.

En atgna chaussa

L’Uniun svizra da chors è sez anc in noviz quai che pertutga medias socialas. Ella ha prendì en firà ina nova concepziun da la pagina d’internet – ed er las medias socialas duain vegnir integradas.

Facebook, Instagram e YouTube tar las uniuns chantunalas da chant

Facebook:

SCCV: https://www.facebook.com/SocieteCantonaledesChanteursVaudois/#

Chors grischuns: https://www.facebook.com/buendnerchoere/

Uniun chantunala da chors da Friburg: https://www.facebook.com/groups/federationfribourgeoisedeschorales/

Uniun chantunala da chors da l’Appenzell: https://www.facebook.com/Appenzellischer-Chorverband-805709576306858/

Federaziun da las uniuns da chant dal Vallais: https://www.facebook.com/FedSocChantValais/?ref=bookmarks

Instagram

Chors grischuns: https://www.instagram.com/buendnerchoere/

Uniun chantunala da chors da Friburg: https://www.chant.ch/#

YouTube

“Aargau singt”: https://www.youtube.com/channel/UCWqnserSidYZkjSc8WmVeVg?view_as=subscriber