Novitads
<< enavos
Necrolog Louis Hürlimann * 19 d’october 1943 † 14 da fanadur 2022
L’istoricher promovì ha tgira l’archiv da l’Uniun svizra da chors dapi il 2001 fin tar ch’el ha demissiunà ord motivs da sanadad.
Suenter ses studi a Friburg e Turitg ed in semester en Spagna ha Louis fatg il doctorat en istorgia. Il 1970 è el vegnì promovì ed a lavura dapi lura tar l’Institut da perscrutaziun agricula Agroscope a Tänikon. Ultra da quai era el suprastant dad Ettenhausen. Sper tut sias activitads, han sia dunna Hedi ed el tratg si trais uffants. Pir cura ch’el ha demissiunà sco suprastant l’onn 1995, ha el puspè sa deditgà a l’istorgia. A partir da lura ha el tgirà e curatà l’archiv da vischnanca ad Adorf. Plinavant ha el perscrutà l’istorgia locala da la Turgovia posteriura e da differentas uniuns. Or da sia lavur resultan pliras publicaziuns.
Cun Louis perda l’USC ina persunalitad d’auta cumpetenza, ch’ha rimnà e fatg accessibel cun gronda professiunalitad ed exactadad l’istorgia da nossa uniun. El era quasi la «memoria da l’Uniun svizra da chor sin chommas». Tar dumondas istoricas davart l’USC ha Louis exact savì, nua ch’ins chatta la soluziun en l’archiv. El ha fatg accessibel l’archiv da l’USC per la perscrutaziun istorica ed era er participà ad artitgels en la Gasetta svizra da musica. Nus schazegiavan el dentant er sco partenari da discurs interessant cun ina moda e maniera quieta, in punct da vista objectiv ed in umor fin.
Nus ans engraziain da tut cor a Louis per ses servetsch prezius. El vegn a laschar enavos ina gronda rusna en l’Uniun svizra da chors.
Nossa cumpassiun cordiala vala a sia famiglia ed a tut la parentella.
Uniun svizra dals chors
