Novitads
<< enavos
Concurrenza svizra da chors 2024 a Cuira
Il cumenzament da favrer 2024 ha lieu la Concurrenza svizra da chors en il Grischun, il chantun da la musica da chors! Nus avain grond plaschair, che quell’occurrenza ha lieu a la fin d’emna dals 2 fin 4 da favrer a Cuira.
La scena da chors èn ina part impurtanta da Cuira e dal Grischun: 125 chors cun passa 4’000 chantaduras e chantadurs èn organisads en l’Uniun chantunala da chant dal Grischun – pia datti dapli chors en il Chantun che vischnancas. Var 30 chors numnan Cuira lur dachasa.
La Concurrenza svizra da chors ha lieu mintga trais fin quatter onns. La davosa ediziun era l’onn 2017 ad Aarau. La concurrenza ha la finamira da parter il plaschair vid il chant cun auters, da promover la qualitad dal chant e da render pli enconuschent ils chors ad in public pli vast.
A la concurrenza sa pon participar tut ils chors – independent da lur nivel. Gest il grond spectrum da chors gida da promover il barat musical!
L’annunzia provisorica pon ins far a partir dal cumenzament d’october sin la pagina d’internet da l’Uniun svizra da chors. Las cundiziuns per sa participar pon ins gia uss leger suenter en il reglament.
Nus ans legrain da beneventar la scena da chors da la Svizra a Cuira!
chorwettbewerb.ch
Raymund Decasper e Gian-Reto Trepp, Co-presidi da l’OK Concurrenza svizra da chors 2024
Contact da l’OK Concurrenza svizra da chors: info@chorwettbewerb.ch
