Novitads
<< enavos
Lavur gartegiada en l’uniun: Communicaziun en la suprastanza
Lavur gartegiada en l’uniun: 5. Communicaziun
Tar la communicaziun vegn differenzià tranter communicaziun interna ed externa. En quest artitgel vai schizunt per la communicaziun interna – pia sco che la suprastanza, gruppas da lavurs ubain cumissiuns communitgeschan tranter ellas ubain cun commembras e commembers. In communicaziun onesta ed effectiva augmenta la motivaziun e l’identificaziun cun l’uniun.
Communicaziun entaifer la suprastanza
Per ina communicaziun senza incaps èsi impurtant d’avair process effizients e meds da communicaziun, transparenza ed dialog adattads per l’uniun.
Ina pitschna retschertga tranter las Uniuns chantunalas da chant da Schaffusa, Genevra e Soloturn mussa, che las suprastanzas nizzegian meds da communicaziun simpels sco mail, WhatsApp ubain telefon. La communicaziun funcziuna uschia bain e cun vias curtas. Dentant er discurs persunals èn impurtant: Uschia s’inscuntra per exempel la suprastanza da l’Uniun chantunala da Soloturn mintga dus mais per ina sesida en in restaurant.
Tgi ch’è interessà vid auters tools, per exempel per planisar projects pli spezials, chatta sin la pagina d’internet da Vitamin B ina survista. Quella cuntegna intgins tools davart communicaziun, planisaziun da lavur, chattar termins, elavuraziun communabla da documents, software per uniuns e deposit da datas.
https://www.vitaminb.ch/digital
Contact cun commembers e commembras
Infurmaziuns regularas davart activitads en l’uniun, invits per occurrenzas spezialas ubain in bun program accumpagnant durant radunanzas da commembras e commembers gidan da mantegnair l’interess da la glieud. Quai stat scrit sin la pagina d’internet da Vitamin B. L’Uniun chantunala da chant da Schaffusa organisescha – sper la radunanza da delegadas e delegads durant la primavaira – mintg’atun in inscunter per presidentas, presidents, dirigents e dirigentas. La survegnan ils chors er ulteriuras infurmaziuns. Er l’Uniun chantunala da chant da Soloturn organisescha ina conferenza sumeglianta. La vegn tranter auter er discutà davart la strategia d’infurmaziun. Commembers e commembras èn en quel punct da l’avis, cha la pagina d’internet gioga ina rolla centrala.
Chattar nova glieud per l’uniun
Chattar nova glieud per noss chors è in tema impurtant tar nossas uniuns ed ina gronda sfida. I saja difficil da chattar novs commembers u commembras, cun quai che blers chors n’èn betg organisads en furma dad uniuns, dentant en furma da projects. Quai ha ditg la presidenta da l’Uniun chantunala da chant da Schaffusa, Brigitta Hinterberger. Editg Ursprung, presidenta da l’Uniun chantunala da Soloturn ha tramess ina dumonda als chors da baselgia refurmads. Cun quai ch’ella n’ha betg survegnì resposta vegn ella uss a tschertgas il contact sur telefon.
Plinavant saja pli difficil da chattar glieud che vul lavurar en suprastanzas. Janine Dubois, presidenta da l’Uniun chantunala da chant da Genevra dumonda tar mintga radunanza da delegads e delegadas, sch’i dat voluntaris u voluntarias per la suprastanza. Fin uss era il success relativ pitschen. Sin la pagina d’internet da Vitamin B datti ina gronda selecziun da tips che duain gidar, da chattar novs commembers e commembras.
Fegl d’infurmaziun davart lavur voluntaria en l’uniun
Link tar la selecziun da temas davart persunas voluntarias
https://www.vitaminb.ch/vereinsthemen/mitglieder/freiwillige
Conflicts en uniuns
Nua che glieud lavura ensemen, datti conflicts. Quai vala er per uniuns. Savens datti quels conflicts pervia dad intschertezzas davart cumpetenzas ubain lavurs. Tenor Vitamin B èsi impurtant, da schliar in problem uschè spert che pussibel, per ch’el na vegn betg pli grond. Ina buna varianta per pudair reflectar la collavuraziun è ina retraite annuala, nua ch’ins po senza squitsch da termins sa barattar.
Per “discurs difficils” da il post spezialisà Vitamin B creà in fegl d’infurmaziuns. Sin la pagina davart “management da conflicts datti material nizzaivel.
https://www.vitaminb.ch/vereinsthemen/kommunikation/konflikte
Isabelle Schmied (trad.Flurin Clalüna)
