Novitads

Uniun 12.12.2025

<< enavos

Contribuziuns da la AVS en la branscha da cultura e medias

 

Pajas da pli pauc che 2500 francs l’onn n’èn da princip betg suttamessas a l’obligaziun da pajar contribuziuns a la AVS, danor che la persuna assicurada pretenda quai explicitamain. Uschia n’èn persunas ch’han adina puspè lavurs curtas e che survegnan ina paja minimala da principi betg suttamessas a las assicuranzas socialas. Per garantir tuttina a las persunas pertutgadas ina prevenziun per la vegliadetgna suffizienta, ha il Cussegl federal previs excepziuns. Per quellas vala l’obligaziun da pajar contribuziuns a la AVS a partir da l’emprim franc. Questa regla speziala valeva fin ussa per persunas occupadas en chasadas privatas sco er per tschertas spartas da la cultura (saut, teater, orchester) e da las medias (radio, televisiun).

Ussa ha il Cussegl federal decis d’extender las excepziuns sin quatter ulteriuras categorias da patruns, numnadamain chors, museums, interpresas da design sco er medias electronicas e medias stampadas. Uschia èn suttamess a la AVS tut ils salaris che derivan da persunas occupadas punctualmain en quests secturs.

Nus sperain da dar cun quai ina remartga a noss commembers e supplitgain da far las adattaziuns correspundentas tar la contabilitad da las pajas.


sozialesicherheit.ch