Las incumbensas da la cumissiun da musica

La cumissiun da musica è il gremi d'experts da l'Uniun svizra da chors (USC).

Ella elavura basas e directivas per purschidas da scolaziun e da perfecziunament per expertas ed experts, per dirigentas e dirigents e per chantaduras e chantadurs da l'USC.
Ella observa e sustegna la pratica da chor sin tut ils stgalims da las scolas svizras e promova en stretga collavuraziun cun l'Uniun svizra per la promoziun da chors d'uffants e da giuvenils (SKJF) il chant choral d'uffants e da giuvenils en Svizra.
Ella promova la cumposiziun da nova litteratura per tut ils geners da chors e s'engascha per sia represchentaziun e derasaziun.
Ella po iniziar projects musicals e realisar quels – suenter il consentiment da la direcziun generala e/u da la suprastanza centrala e/u da la radunanza da delegads – suletta u en collavuraziun cun autras instituziuns, cun uniuns u cun persunas privatas.
Ella è preschenta en la revista spezialisada «chorus» cun artitgels spezialisads e cun rapports.
Ella tgira il contact cun las dirigentas ed ils dirigents chantunals da las associaziuns che appartegnan a l'USC sco era cun associaziuns, instituziuns ed organisaziuns internaziunalas.

Ella è responsabla per la clamada, la scolaziun, il perfecziunament e l'evaluaziun da las expertas e dals experts da l'USC

Rainer Held, president da la cumissiun da musica