Novitads
<< enavos
24avla radunanza da delegad:as da l’USC a Cuira
Cuira cun plievgia saja in’experientscha speziala, ha ditg il Cusseglier da citad, Patrick Degiacomi, cun ina tschegnada durant l’aperitiv per delegad:as durant la sonda, ils 16 d’avrigl. A Cuira dettia numnadamain dapli dis da sulegl ch’èn media. La nausch’aura n’era dentant nagin obstachel per il program da quel di. Quel ha numnadamain cumenzà cun ina visita en il Chorcenter a Cuira.
Il Chorcenter, ch’è vegnì lantschà da persunas engaschadas ord la scena da chors locala, è s’etablì. Blers chors ord ils conturns chantan en las localitads en il vest da Cuira, ha il cun-iniziant Christian Klucker declerà a delegad:as da tut las regiuns da la Svizra. Lukas Bolt, il president da la cumissiun da musica, ha cumenzà la part pratica dal suentermezdi cun in chant communabel. Suenter hai dà dus workshops davart ils temas Fundraising e SUISA. Il program ha cuntinuà cun intginas chanzuns communablas, avant ch’igl è i vinavant en la baselgia da la citad. Là ha spetgà in concert dad in quartet dad umens sut la direcziun da Heinz Girschweiler. La finiziun dal di era ina visita en il studio da Radiotelevisiun Svizra Rumantscha RTR. Pia: L’Uniun chantunala da chant dal Grischun ha preparà in program ritg e variant!
Il president central partent, Claude-André Mani, ha tar la tschaina communabla en l’Hotel Chur survegnì in cumià degn a sias prestaziuns. Sco surpraisa han quatter tenors ord il chantun Friburg, ch’èn sa mess ensemen suenter la Fête des Vignerons, chantà per la cumpagnia: tenorsdelafevigne.ch
Workshop davart la SUISA, manà da Bruno Jakob
Concert dal quartet dubel «Ils Grischuns» cun chanzuns rumantschas sut a direcziun da Heinz Girschweiler
Visita dal studio da RTR
Sfidas cun energia frestga
La dumengia damaun han las 65 delegad:as e giasts tegnì la radunanza da l’USC. L’uniun stat davant la sfida dad acquirir novs commembers. Uschia ha dapi il 2019 prendì giu il dumber da chantadur:as en chors da creschids per 8,1%. Bruno Jakob, il schef da finanzas da l’USC, ha fatg attent ch’i saja impurtant da dir activamain tar ils chors e far attent sin ins avantatgs da l’USC. Dus da quels èn la soluziun cun la SUISA ubain la segiranza d’accidents gratuita.
A questa ed ad autras sfidas ed incumbensas frunta uss ina direcziun cumplettamain nova. Las persunas elegidas en la direcziun n’èn dentant naginas persunas nunenconuschentas. Il nov president, Christof Ramseier, è dapi 2015 president da l’Uniun chantunala da chant da Berna. Rahel Butzerin-Simmen, co-vicepresidenta, è vegnida elegida il 2017 sco presidenta da l’Uniun da chors da l’Appenzell – e René Wirz, er co-vicepresident, ha experientschas ord pliras funcziuns da l’Uniun da chors da Friburg (actualmain è el vicepresident). Esther Kuster, la nova responsabla da finanzas, era dal 2004 fin 2019 en la suprastanza da l’Uniun da chant da Son Gagl – dal 2010 fin 2019 sco presidenta. Lukas Bolt è actualmain president da la cumissiun da musica da l’USC ed Anna-Barbara Winzeler era dal 2018 fin 2023 en la suprastanza dal Chor Svizzer da Giuvenils. Christof Ramseier accentuescha che ses team sa vegnia ad engaschar cun plaina energia per il futur da l’USC – plinavant sajan ins adina engraziaivel per inputs ord las uniuns chantunalas.
La direcziun «veglia» (da san.): Lukas Bolt, president cumissiun da musica; Thierry Dagon, represchentant da l’USC per la promoziun da la musica da chors tar RTS; Claude-André Mani, president central; Anna E. Fintelmann, vicepresidenta; Bruno Jakob, schef da finanzas
La nova direcziun da l’Uniun svizra da chors (da san.): Lukas Bolt, president cumissiun da musica; Rahel Butzerin-Simmen, co-vicepresidenta; Christof Ramseier, president; Anna-Barbara Winzeler, partiziun giuventetga/communicaziun; René Wirz, co-vicepresidenta; Esther Kuster, responsabla per finanzas
Pliras persunalitads han drizzà in salid durant la radunanza – uschia per exempel Karin Niederberger (Uniun svizra da jodlar), Johannes Reinhard (Uniun svizra dad orchesters) ed Andy Kollegger (Uniun svizra da musica). Ellas tuttas han accentuà la buna collavuraziun durant la crisa da corona.
Survegnì la commembranza d’onur han:
Comité d’organisaziun da la Festa svizra da chant: Rolf Hefti, Guido Helbling, Erwin Schwizer
Cumissiun da musica: Elisabeth Gillioz, Patrick Secchiari, Paolo Vignoli
Direcziun: Bruno Jakob, Thierry Dagon, Anna E. Fintelmann
Claude-André Mani è vegnì nominà sco president d’onur
Il manader da l’archiv durant plirs onns, Louis Hürlimann, ch’è mort il 2022, è postum vegnì nominà sco commember d’onur.
Novs commembers d’onur or da l’OK da la Festa Svizra da chant (da san.) Rolf Hefti, Guido Helbling, Erwin Schwizer
Novs commembers d’onur da l’USC da la cumissiun da musica (da san.): Elisabeth Gillioz, Patrick Secchiari, Paolo Vignoli
Novs commembers d’onur da l’USC ord la direcziun partenta (da san.): Bruno Jakob, Thierry Dagon, Anna E. Fintelmann
Claude-André Mani è vegnì elegì sco president d’onur
